Shefi i stafit të Presidentes së Kosovës, Vjosa Osmani, Blerim Vela nëpërmjet një postimi në Twitter ka denoncuar lajmin e rremë të shpërndarë nga mediet serbe se disa shtetas çeçenë dhe çerkezë kanë qëndruar në Kosovë.

Në reagimin e tij, Vela thotë se lajmi është shpërndarë nga mediat serbe pro-regjimit të presidentit serb, Aleksandër Vuçiq – e që ky lajm është iniciuar nga vet Vuçiq në konferencë për media.

“Mediat serbe pro-pushtetit kanë amplifikuar dezinformimin e promovuar nga Vuçiq gjatë konferencës së djeshme”, ka shkruar Vela.

Ai gjithashtu ka thënë se asnjë shqiptar i Kosovës nuk iu është bashkuar luftës në Ukrainë dhe se në Kosovë nuk ka pasur as shtetas çeçenë e as çerkezë që kanë tentuar të vrasin serbë të Kosovës.

Në fund, Vela ka thënë se “kjo dezinformatë i shërben narracionit të Rusisë”.

🚨#Serbia’s pro-regime media are amplifying disinformation promoted by #Vučić during yesterday’s press conference:

‼️ No Albanians from Kosovo joined the war in Ukraine

‼️ No Chechens or Cherkess have plotted to assassinate #Kosovo Serbs

This disinfo serves #Russia’s narrative pic.twitter.com/R0vmsN0Crp

— Blerim Vela (@Blerim_Vela) August 22, 2022